Happy Club

Iqbal teray dess ka kaya haal sunaon...

View previous topic View next topic Go down

Iqbal teray dess ka kaya haal sunaon...

Post by uMar on Wed 11 May - 8:37

Iqbal teray dess ka kaya haal sunaon...

dehqaan to mar khap gaya, ab kis ko jagaon
milta hai kahaan khosha-e-gandum kay jalaaon
shaheen ka hai gumbad-e-shahi pay basera
kunjishk far-o-maya ko ab kis say laraaon

Iqbal teray dess ka kya haal sunaon

makkari-o-aiyari-o-ghaddari-o-hayjaan
ab banta hai in chaar anaasir say musalman
qari isay kehna to bari baat hai yaro
is nay to kabhi khol k dekha nahi Quran

bay baaki-o-haq goi say ghabrata hai momin
makkari-o-robahi pay itrata hai momin
jis rizq say parwaz mein kotahi ka dar ho
wo rizq baray shauq say khata hai momin

shaheen ka jahaan, aaj mamolay ka jahaan hai
milti hui mulla say mujahid ki azaan hai
maana kay sitaron say bhi aagay hain jahaan aur
shaheen mein magar taqat-e-parwaz kahaan hai

kirdaar ka, guftaar ka, aamal ka momin
qayel nahi esay kisi janjaal ka momin
sarhad ka hai momin, koi bangaal ka momin
dhoonday say bhi milta nahi Quran ka momin

her daarhi mein tinka hai, her aankh mein shehteer
momin key nigahon say ub badalti nahi taqdeer
tuheed ki talwaron say khali hain neyamein
ub zauq-e-yaqeen say nahi kat-tee koi zanjeer

dekho to zara mehlon kay pardon ko utha ker
shamsheer-o-sinaan rakhi hain taaqon mein saja ker
aatay hain nazar masnad-e-shahi pay rangeelay
taqdeer-e-umam so gai, taaous pay aa ker

mar mar key salon say koi bay zaar nahi hai
rehnay ko haram mein koi teiyar nahi hai
kehnay ko her shakhs musalman hai lekin
dekho to kahin naam ko kirdar nahi hai

Mehmudon key saff, aaj Ayazon say paray hai
jamhur say sultani-e-jamhur waray hai
thaamay huay daaman hai, yahan per jo khudi ka
mar mar kay jiye hai, kabhi jee jee kay maray hai

payda kabhi hoti thee seher, jis ki azaan say
us banda-e-momin ko main ab laaon kahaan say
wo sajda, zameen jis say laraz jati thi yaro
ek bar hum chhut gaye, is baar-e-garaan say…

Iqbal teray dess ka kaya haal sunaon...

_________________
avatar
uMar
Admin
Admin

Posts : 240
Points : 2024
Join date : 2011-04-04
Age : 23
Location : KhArIaN

http://happyclub.4umer.net

Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum